Yoon tassali de rahe hain hum dil-e-beemar ko..

Yoon tassali de rahe hain hum dil-e-beemar ko,

Jiss tarah thaamey koi girti hui deewaar ko..

Khamoshi se adaa ho rasm-e-doori..

Khamoshi se adaa ho rasm-e-doori,

Koi hungama barpaa kyun karen hum..

Tum hanso to din, Chup raho to raatain hain..

Tum hanso to din, Chup raho to raatain hain,

Kis ka gham, kahan ka gham, sab fazool batain hain..

Wafaa main ab yeh hunar iktiyaar karna hai..

Wafaa main ab yeh hunar iktiyaar karna hai,

Woh sach kahe na kahe aitbaar karna hai,

Yeh tujh ko jaagtey rehne ka shauq kab se hua,

Mujhe to kher tera intizaar karna hai..

Aaj mujh ko bohat buraa keh kar..

Aaj mujh ko bohat buraa keh kar,

Aap ne aakhir naam to liya mera..

R U K H S A T I K A M A N Z A R

 Bazm-e-shaadi men yeh haNgama-e-maatam kyoN hai

         Manzil-e-'aish-o-tarab men asar-e-GHam kyoN hai

         Dekhiye jis ko woh baa~deeda(h)-e-pur~nam kyoN hai

         Daftar-e-'aish ka sheeraza yeh bar'ham kyoN hai

                      Jo hawa aati hai, woh dard~fiza aati hai

                      Saaz-e-'ishrat se GHam~aNgez sada aati hai

         MaaN se ruKHsat ke liye taaza(h) 'aroos aati hai

         Tohfa-e-dard-e-judaaii bhi magar laati hai

         Daf'atan dil pe ghaTa raNj ki chhaa jaati hai

         KHud bhi roti hai, a'izza ko bhi rul'waati hai

                MooNh se kehti naheeN kuchh, aaNkh se aaNsoo haiN rawaaN

                Lab-e-KHaamosh men hai daftar-e-m'ani pin'haaN

         MaiN samajhta tha meh'l yeh koi rone ka naheeN

         Faqat ek rasm-e-zaroori hai k(e) sab haiN GHam'geeN

         Jab KHushi chhaaii huwi ho, koi rota hai kaheeN ?

         Tajribe se magar ab dil ko huwa hai yeh yaqeeN

                      SaKH't pat'thar bhi agar hoN to pighal jaayeNge

                      Ashk be~saaKH'ta aaNkhoN se nikal jaayeNge

         Sar ko nahw'Raaye khaRi hai woh ba~sad hasrat-o-yaas

         RuKH-e-pur~noor pe afshaaN hai magar GHam se udaas

         Hech hai us ki nigaahoN men woh shaahaana libaas

         Zulf aaraasta hai -- aur pareshaaN haiN hawaas

                      ThaNdi saaNsoN se judaaii ka fasaana sun lo

                      Lab haiN KHaamosh, magar GHam ka fasaana sun lo

         KHoon men josh hai aur maaN pe nigaah-e-ruKHsat

         LaakhoN armaan haiN, aur taNg hai waqt-e-fursat

         Dil men ik dard hai, kehne naheeN deti GHairat

         Aaj hai pesh-e-nazar maaN ne jo di thi raahat

                      "GHam yeh hai, jab miri KHidmat ka zamaana aaya

                      AasmaaN dekhiye paiGHaam-e-judaaii laaya

         Apni maaN ka mujhe dun'ya men sahaara hai faqat

         Aaj saamaan hai jo kuchh woh tamaasha hai faqat

         Yehi 'uqba hai miri, aur yehi dun'ya hai faqat

         Woh gale mujh ko lagaa leN, yeh tamanna hai faqat

                      Muntazir hooN k(e) woh aayeN to balaaeN le looN

                      Waqt-e-ruKHsat hai qareeb, un ki du'aaeN le looN

         Dekhti jaati hooN ghooN'ghaT se maiN un ka chehra

         Roti jaati haiN magar kaam men hai haath baTa

         Meri jaanib nazar uTh'ti naheeN -- maiN un pe fidaa

         Dil ka 'aalam maiN samajhti hooN k(e) is waqt hai kya

                    Baat karti haiN to aawaaz hai bharraaii huwi

                    AaNkheN yooN surKH haiN jis tarh(a) se hoN aayi huwi"

         Dil men laRki ke KHayaalaat ka tha ek hujoom

         Waqt ruKHsat ka qareeb aa gaya --> ghar men huwi dhoom

         MaaN uThi fart-e-mohabbat se malool-o-maGHmoom

         Dil-e-be~taab ki haalat hai KHuda ko m'aloom

                      Dil men reh-reh ke jo ik naaKHun-e-GHam gaRta hai

                      PaaNv rakhti hai kaheeN aur kaheeN paRta hai

         Maadari josh mohabbat ka dikhaaya aaKHir

         Pyaari beTi ko gale baRH ke lagaaya aaKHir

         Taaqat-e-zab't na thi dil men phir aaya aaKHir

         Is tarah royee k(e) ghar bhar ko rulaaya aaKHir

                      Ho gaye raNj se be~taab gharaane waale

                      Rote dil khol ke aaKHir ko chhuRaane waale

         MaaN ka kehna k(e) "KHuda Haafiz-o-Naasir, beTi

         Mere dil ka hai wohi Shaahid-o-Naazir beTi

         Dukh pe dukh jhele haiN maiN ne tiri KHaatir beTi

         HooN madad ke liye har waqt maiN haazir beTi

                      Nek saa'at ho yeh aisi k(e) tu aabaad rahe

                      Mel aapas men rahe, chayn kare, shaad rahe

         Aj'nabi mard ke haathoN men diya hai daaman

         Kaise at'waar hoN, kya jaaniye kaise hoN chalan

         Yehi waswaas hai din-raat, yehi hai dhaRkan

         Door kar, baar-e-Ilaaha, mire dil ki uljhan

                      Tu sikhaa de ise KHidmat, use ulfat karna

                      'Umr bhar ab miri bach'chee ko hai marna-bharna"

         Ek KHaatoon ne dekha jo yeh haNgaama-e-GHam

         Aage baRh kar yeh kaha, poNchh ke chashm-e-pur~nam

         "Beebiyo, ghar hai yeh shaadi ka k(e) bazm-e-maatam ?

         Shukr ki jaa hai k(e) daamaad mila nek~qadam

                      Ab yehi raaj tumhaara hai, yehi sar ka taaj

                      Sajda-e-shukr karo tum k(e) subuk~dosh ho aaj

         Nek bar is ko mila, kya yeh naheeN shukr ki jaa ?

         Kaun mauqa hai k(e) ro-ro ke bahaao dar'ya ?

         LaRki hal'kaan huwi jaati hai dekho to zara

         AaNsoo thamte naheeN us ke yeh hai kya zulm bhala

                      ChaaNd ke ruKH pe jo afshaaN hai, bahi jaati hai

                      DaastaaN yeh kaheeN is waqt kahi jaati hai ?"

Lo chali laadli apni pii ki gali

Lo chali laadli apni pii ki gali

Surkh jode mein lagti hai kitni bhali

Hai kisi ke liye yeh Milan ki ghadi,

To kisi ke liye hai judaai badi,

Lo chali laadli apni pii ki gali……………..

Dhol bajte hain bajti hain shehnaiyaaN,

Kal se gujengi is ghar mein tanhaiyaaN,

Hai bidaai ki rasmon se majboor maa’N,

Kab rahi hai piyar mein sada betiyaaN,

Hoke rehti hai juda shaakh se har kali..

Lo chali laadli apni pii ki gali………………..

Badke baabul ko apane lagaalo gale,

Kal se ho jayeenge kitne hi faasale,

Sang bhai behan hain tumhare pale,

Aao inko basaa lo tum palkon tale,

Ho rahi hai dilon mein ajab khalbali,

Lo chali laadli apni pii ki gali…………..

Bhul jana na hum ko ae pyari sakhi,

Jaake pii ke nagar  yaad karna kabhi,

Woh bachpan ki yaadein  bichdi hui,

Haath apne pasaare hain aaj khadi,

Ashk ki aaj shamma hansi par jali

Lo chali laadli apni pii ki gali…………..

Shor machne laga  lo chali  paalki,

Ab  hui  jaati hai beti  sasuraal ki,

Kya misaal main dun baap ke haal ki,

Kya sunaun baat maa ke malaal ki,

Rote Rote kaha alvidaa laadali,

Lo chali laadli apni pii ki gal..........

Surkh jode mein lagti hai kitni bhali......

Lo chali laadli apni pii ki gali…………..

Lo chali laadli apni pii ki gali…………..

Ek larki kay ahsasat at rukhsati

ek umar ka safar jahan guzra wo ghar praya ho jayga

    sonp dayngay mjy auro ko juda mjhsy mra ashyan ho jay ga 

     na janay kun kr dty hain juda khud sy maa baap batyon ko

     barson ki pahchan ko ek pal begana kar jay ga

     guzray gi kasy mry zndgi in sy bichar kay 

     jab maa baaap bhan bhai aur yar dost yadoo ka sarmaya ho jay ga

     churana mushkil hy daman kis tarah my sanbhalo gy khd ko bhulna na mumkin hy

      wo pyar daty jisy maa baapko zamana hogayana bholaya jay ga

      wo beetay din mary sab yad hain wo ghum ky mosam bhi   

      apnay khusi aur ghum ky sathi sy hath na mjh sy churaya jay ga 

       num ankhon my mary abi say wo manzar ghomty hain 

      dastor jab ye dunya ka mary sath nibhaya jy ga

      phot phot kr jo rotay hum to kisi ko kya malom 

      kya dard hy hamain kyo byaha jay ga 

Apne jesi koi tasveer banani thi mujhe..

Apne jesi koi tasveer banani thi mujhe,

Mere andar se sabhi rang tumhare nikley..

اپنی  جیسی  کوئی  تصویر  بنانی  تھی  مجھے 

میرے  اندر  سے  سبھی   رنگ  تمہارے  نکلے 

Mujhe inkaar kar de magar kuch guftuguu to kar..

Mujhe inkaar kar de magar kuch guftuguu to kar,
Tera khamosh sa rehna mujhe takleef deta hai..

Tum yeh kese kar lete ho..

Tasveer ko dekhtey rehte ho,

Jab behnein eid’on par bhayiyon ki

Nazar utaarein,

Tum sehraa’on ki jalti rait per,

Tum un ki chithhii parhtey ho,

Jab lakht-e-jigar ki doori se,

Maan ki aankh tar ho jaye,

Tum us mein bethe sarhad ki nigrani

kartey rehte ho,

Jab har umeed ki khirrki per

Bebasi jaalay buunti ho,

Tum aesi tez hawaaon mein,

Har simt ko urrtay phirtay ho,

Tum yeh kese kar lete ho,

Tum is qaum ke saarey gham,

Apne kese kar lete ho,

Har mushkil mein is mitti

per martey rehte ho,

Tum yeh kese kar lete ho..

(Originally written for Pakistan Army by Ghulam Ahmad)

Umar kitni manzilein teh kar chuki,

Umar kitni manzilein teh kar chuki,

Dil jahan thehra, thehra hi reh geya..

عمر  کتنی  منزلیں  ته  کر  چکی 

دل جہاں  ٹہرا، ٹہرا  ہی  رہ  گیا 

Azaab yeh bhi kisi aur par nahin aya..

Harf likhne se gaye, sher sunaney se gaye..

Harf likhne se gaye, sher sunaney se gaye,

Aese hum tujh mein huye gum ke zamaney se gaye..

Dil ki dhadkanain sunain kaisay

Dil ki dhadkanain sunain kaisay,

Hum apne dil ka haal batain kaisay,

Dil hai jis k liye dewana,

Use hum apna banain kaisay,

Apney bhi aab paraye lagte hai,

Hum apne pyaar is zalim dunia se chupa'ain kaisay.

Mene samandar se seekha hai jeeney ka saleeqa..

Mene samandar se seekha hai jeeney ka saleeqa,

Chup chaap se behna, apni mauj mein rehnaa..

Lena parrega ishq mein tark-e-wafaa se kaam..

Lena parrega ishq mein tark-e-wafaa se kaam,

Parhezz is marz main hai behter ilaaj se..

Rukhsati ka din

Lo aj rukhsati ka din a he gaya 

Jis ke arzoo the wo din a he gaya

Ho ka rukhsat apnay ghar jate ho tum

Badal na khuwasta tar ho jate ho tum 

Arzi hota ha sada ghar MA BAAP ka 

Sath kb reta hai sada ghar ma baap ka

Khawand ko dil sa na bhoolana kabhe 

Wo chaha ga tumha Tum na azmana kabhe

Dua tujha KHUDA sada shadoo abad rakha

Sir par tara wo apne rehmat ka hath rakhay 

ameen 

Bs itni se ilteja ha baba

Bs itni si ilteja ha baba, Tere masoom bati ke

Jis ko bhe daina mujh ko, Bs naik daikhna

Bhooke rahpon ge din bhar, Nokar bhe rahon ge

Bs kisi insan ko soonpna, Mujha insan samajh kar,,...