Kis se puchen hum ne kahan wo chehara-e-roshan dekha hai

kis se puchen hum ne kahan wo chehara-e-roshan dekha hai

mehfil mehfil dhundh chuke hain gulshan gulshan dekha hai

kis ko dekhen kis ko na dekhen, phul bhi hain kaliyan bhi magar

jis se lagayi aankh usi ko dil ka dushman dekha hai

rang-e-bahar-e-subah-e-gulistan kya dekhe wo diwana

jis ki nazar ne ek hi gul mein sara gulshan dekha hai

ahl-e-wafa ke khoon ke chinten dur tak udakar jati hain

mera tadapana dekhane wale apna bhi daman dekha hai?

aj unhen jo chahe samajh lo warna yahi ‘taskin’ hain jinhen

kal tak hum ne ku-e-butan mein khakbadaman dekha hai

Ye dil kabhi na muhabbat mein kamayab hua

Ye dil kabhi na muhabbat mein kamayab hua

mujhe kharab kiya, aap bhi kharab hua

ajal men, zist mein turabat men, hashr mein zalim

tere sitam ke liye main hi intakhab hua

nigah-e-mast ko saqi ke kon de ilzam

mera nasib ki rusava mera shabab hua

hamare ishq ke das-bis ne bhi dad na di

kisi ka husn zamane mein intakhab hua

fana ka dawa hazaron ko tha zamane mein

habab ne mujhe dekha to aab-ab hua

Ye kya jagah hai dosto ye kon sa dayar hai

Ye kya jagah hai dosto ye kon sa dayar hai

hadd-e-nigah tak jahan gubar hi gubar hai

ye kis mukam par hayat mujh ko leke aa gai

na bas khushi pe hai jahan na gham pe ikhtiyar hai

tamam umr ka hisab mangati hai zindagi

ye mera dil kahe to kya ye khud se sharmsar hai

bula raha kya koi chilamanon ke us taraf

mere liye bhi kya koi udas beqarar hai

na jis ke shakl hai koi na jis ka naam hai koi

ik aisi shai ka kyon hamen azal se intazar hai

Khwab ke tarah bikhar jane ko jee chahata hai

khwab ke tarah bikhar jane ko jee chahata hai

aisi tanhai ki mar jane ko jee chahata hai

ghar ke vahshat se larazata hun magar jane kyon

sham hoti hai to ghar jane ko jee chahata hai

dub jaun to koi mauj nishan tak na bataye

aisi nadi mein utar jane ko jee chahata hai

kabhi mil jaye to raste ke thakan jag pade

aisi manzil se guzar jane ko jee chahata hai

wohi paiman jo kabhi jee ko khush aaya tha bahut

usi paiman se mukar jane ko jee chahata hai

Yun Sote-Sote Jaag Jana

Shayad Woh Apna Wajood Chhor Gaya Hai Meri Hasti Mein,

Yun Sote-Sote Jaag Jana Meri Aadat Pehle Kabhi Na Thi…

Maang To Loon

Maang To Loon Mein Tujhe Apni Taqdeer SE Mager                                                                                                                    

 Hum Jaisey Logon Key Laye Iss Zamaney Mein Ab Mo'ojazey Nahin Hote

Chehra bata raha tha ke maara hai bhook ne..

Chehra bata raha tha ke maara hai bhook ne,

Hakeem yeh keh rahe they kuch kha ke mar geya..

Zabat e ghar ye kabhi karta hon to farmate hain

Zabat e ghar ye kabhi karta hon to farmate hain,

Ajj kia bat hai barsat nahin hoti hai.

Usne Poocha Ke Kya Pasand Hai Tumhe..

Usne Poocha Ke Kya Pasand Hai Tumhe,

Main Bohot Der Tak Usey Dekhta Rahaa..

Baa’z oqaat kisi or kay milnay sa adam

Baa’z oqaat kisi or kay milnay sa adam,

Apni hasti sa mulaqat bhi ho jaati hai..

Tera Wajood bhi hai sach magar..

Tera Wajood bhi hai sach magar, Humain tujhse,

Wo Ishq hai ke tujhe soch kar hii mar jaayen

Ya Rab Gham-E-Hijraan Mein

Ya Rab Gham-E-Hijraan Mein, Itna Tu Kiya Hota

Jo Haath Jiger Per Hai, Woh Dast-E-Dua Hota

Ik Ishq Ka Gham Afat Aur Uss Oe Yeh Dil Afat

Yan Gham Na Diya Hota, Yan Dil Na Diya Hota

Nakaam Tammana,Dil Iss Soch Mein Rehta Hai

Yun Hota Tu Kya Hota, Yun Hota Tu Kya Hota?

Chahat ka ek mitha mitha dard jagane sham dhale

chahat ka ek mitha mitha dard jagane sham dhale

teri yaden aa jati hain mujhako rulane sham dhale

teri zulfen in kandhon par tera chehara hathon mein

main ne bhi dekhe hain kitane khvab suhane sham dhale

har din hum se wada karake yun hi agar tadapaoge

ik din yun hi ho jayenge hum bhi divane sham dhale

din ke ujale mein to mana lun lakh yatan se bahala lun

lekin dil ka pagal panchi ek na mane sham dhale

Apne saye se bhi ashkon ko chupa kar rona

apne saye se bhi ashkon ko chupa kar rona

jab bhi rona ho charagon ko bujha kar jina

hath bhi jate huye wo to milakar na gaya

main ne chaha jise sine se laga kar rona

tere divane ka kya hal kiya hai gham ne

muskurate huye logon mein bhi ja kar rona

log pad lete hain chehare pe likhi tahariren

itna dushvar hai logon se chupa kar rona

Yaad nahi kya kya dekha tha sare manzar bhool gaye

Yaad nahi kya kya dekha tha sare manzar bhool gaye

us ke galiyon se jab laute apna bhi ghar bhool gaye

khub gaye pardes ki apne divar-o-dar bhool gaye

shish-mahal ne aisa ghera matti ke ghar bhool gaye

tujh ko bhi jab apni qasamen apne wade yaad nahi

hum bhi apne khwab teri aankhon mein rakh kar bhool gaye

mujh ko jinhone qatl kiya hai koi unhen batalaye “nazeer”

meri lash ke pehlu mein wo apna khanjar bhool gaye

Udaas Ho Baithey

Sun Liya Hum Ne Faisla Tera

Aur Sun Ker Udaas Ho Baithey

Zehan Chup Chaap Ankh Khaali

Jaisey Hum Kianaat Kho Baithey

Koi sawaal jo poochay to kia kahoon us se?

Koi sawaal jo poochay to kia kahoon us se

Bicherney walay! Sabab to bata judai ka. . !

Aik aansu meri palkon pe numanyan

Aik aansu meri palkon pe numanyan hi sahi

Laog kehtay hain charaghaan to charaghaan hi sahi

Hum ne har daor mein raaton se baghawat ki thi

Aaj pabandi-e-aaien shabistaan hi sahi

Meri taqdeer mein phoolon ka tassawur bhe mahal

Koi gulshan bakaf-o-khuld badamaan hi sahi

Mujh pe jo beet gai beet gai beet gai

Meri hasrat teray chehray se numayan hi sahi

Mar.ghaton per nai bunyaad-e-makan rakhain gai

Kar-e-tehzeeb Raqeeb-e-ser-o-samaan hi sahi

Kitni Aankhain huien be nar tujhay kiya maloom

Kar-e-nazarah teri bazm mein asaan hi sahi

Jabr Ke Zulm Laye huway san.natay mein

Koi shorsh koi halchal koi toofaan hi sahi

Yeah bhe kya kam hai ke hum chonktay hain jagtay hain

Zindegi silsila-e-khuwaab perishaan hi sahi

Bhairriyon ko nah yeah tareekh khula choray gi

Bhairriye asmat-e-aadam ke nigehbaan hi sahi

Zulm har rang mein pehchaan liya jaye ga

Tera daman hi sahi mera girebaan hi sahi

Parwaaz Hai Dono Ki Isi Aik Fisa Mein

Parwaaz Hai Dono Ki Isi Aik Fisa Mein,

Kargis Ka Jahan Aur Hai Aur Shaheen Ka Jahan Aur,

Ilfaz o Muani Me Tafawat Nahi Lekin,

Mulla Ki Azaan Aur, Mujahid Ki Azaan Aur…