Kabhii Yaad Aaye To Poochnaa Zaraa Apnii Khalmat-e-Shaam Se
Kiise Ishq Thaa Terii Zaat Se Kiise Pyaar Thaa Tere Naam Se
Zaraa Yaad Karo To Wo Kaon Thaa Jo Kabhii Tujhe Bhii Aziiz Thaa
Wo Jo Jee Uthaa Tere Naam Se Wo Jo Marr Mitaa Tere Naam Pe
Hamein Berukhi Ka Nahiin Gila Ke Yehii Wafaon Ka Hai Sila
Magar Aisa Jurm Thaa Kaon Sa Gaaye Hum Dua-o-Salaam Se
Na Kabhii Kii Visaal Kii Chah Kii Na Kabhii Firaaq Mein Aah
Ke Mera Tariiqa-e-Bandagii Hai Judaa Tariiqa-e-Aam Se`
No comments:
Post a Comment