Tau aik waqat tha jisko bhula dia mai ne
har aik yaad ka gulshan jala dia mai ne
wo piyaar jiske kasidey kayee likhe the kabhi
kitab-e-dil se wo unwaan mita dia mai ne
thi apni manzile hasrat jo ik mohabat ki
usey mazaar ka manzar bana dia mai ne
na tumse koi gila hai na ab shikayat hai
tumhari raah se khudko hata dia mai ne
nazar mila ke jo dekho gay jaan jaao gay
ke kesey tum ko nazar se gira dia mai ne
meri wafa ka janaza tha is qadar ghamgeen
ke patharoon ko bhi gham se rula dia main ne
No comments:
Post a Comment