Apne tain to har ghadi gham hai, aalam hai, daag hai

apne tain to har ghadi gham hai, aalam hai, daag hai

yaad kare hamen kabhi kab ye tujhe dimag hai

ji ki khushi nahi giro sabz-o-gul ki hath kuch

dil ho shagufta jis jagah wo hi chaman hai bag hai

kis ki ye chashm-e-mast ne bazm ko yun chaka diya

masl-e-habab sar nagun sharam se har ayag hai

jalate hi jalate subah tak guzari use tamam shab

dil hai ki shola hai koi, shama hai ya chirag hai

paiye kis jagah bata aye but-e-bewafa tujhe

umr-e-guzashta ki tarah gum hi sada surag hai

sair-e-bahar-o-bag se hum ko maf kijiye

us ki khayal-e-zulf se dard kise farag hai?

Yaad nahi kya kya dekha tha sare manzar bhool gaye

Yaad nahi kya kya dekha tha sare manzar bhool gaye

us ke galiyon se jab laute apna bhi ghar bhool gaye

khub gaye pardes ki apne divar-o-dar bhool gaye

shish-mahal ne aisa ghera matti ke ghar bhool gaye

tujh ko bhi jab apni qasamen apne wade yaad nahi

hum bhi apne khwab teri aankhon mein rakh kar bhool gaye

mujh ko jinhone qatl kiya hai koi unhen batalaye “nazeer”

meri lash ke pehlu mein wo apna khanjar bhool gaye

Ye daulat bhi le lo, ye shoharat bhi le lo

Ye daulat bhi le lo, ye shoharat bhi le lo

bhale chin lo mujhase meri javani

magar mujhko lauta do bachpan ka savan

wo kagaz ke kashti, wo barish ka pani

muhalle ke sabase nishani purani

wo budhiya jise bache kahate the nani

wo nani ke baton mein pariyon ka dera

wo chahare ke jhuriryon mein sadiyon ka phera

bhulaye nahi bhool sakata hai koi

wo choti si raten wo lambi kahani

kadi dhup mein apne ghar se nikalana

wo chidiya wo bul-bul wo titali pakadana

wo gudiya ke shadi mein ladana jhagadana

wo jhulon se girna wo gir ke sambhalana

wo pital ke challon ke pyare se tohafe

wo tuti hui chudiyon ke nishani

kabhi ret ke unche tilon pe jana

gharonde banana banake mitana

wo masum chahat ke tasvir apni

wo khwabon khilaunon ke jagir apni

na duniya ka gham tha na rishton ke bandhan

badi khubasurat thi wo zindagani

Hum Bewafa

Hamein Aapki Yaad Na Aaye To Hum Bewafa

Aap Hamein Bulaein Aur Hum Na Aaein To Hum Bewafa

Hammein Zahar Dene Ki Kya Zaroorat Hai

Aap Chehra Mod Le Aur Hum Na Marein To Hum Bewafa

Bhir Main Ik Ajnabi Ka

Bhir Main Ik Ajnabi Ka Samana Acha Laga

Sab Se Chup Kar Vo Kisi Ka Dekhna Acha Laga

Surmai Ankhon K Niche Phul Se Khilne Lage

Kahte Kahte Kuch Kisi Ka Sochna Acha Laga

Bat To Kuch Bhi Nahi Thi Lekin Us Ka Ek Dam

Hath Ko Honton Pe Rakh Kar Rokna Acha Laga

Chay Main Chini Milana Us Ghari Bhaya Bahut

Zer-E Lab Vo Muskurata Shukriya Acha Laga

Dil Main Kitne Ahad Bandhe The Bhulane Ke Use

Vo Mila To Sab Irade Torna Acha Laga

Beirada Lams Ki Vo Sansani Pyari Lagi

Kam Tavajjo Ankh Ka Vo Dekhna Acha Laga

Nim Shab Ki Khamushi Main Bhigti Sarkon Pe Kal

Teri Yadon K Jalo Main Ghumna Acha Laga

Us Udu-E-Jan Ko ‘Amjad’ Main Bura Kaise Kahun

Jab Bhi Aya Samne Vo Bevafa Acha Laga

Seo tags:

Amjad Islam Amjad Fresh Poetry, Amjad Islam Amjad Latest Poetry, Amjad Islam Amjad New Poetry, Amjad Islam Amjad Poetry, Amjad Islam Amjad Romantic Poetry, Amjad Islam Amjad Sad Poetry, Amjad Poetry, Hindi Poetry, Urdu Poetry

Aisi Hi Sard Sham Thi Vo Bhi

Aisi Hi Sard Sham Thi Vo Bhi

Jab Vo Mahndi Rachaye Hathon Main

Apni Ahat K Khauf Se Larazan

Surkh Anchal Main Munh Chipaye Hue

Apne Khat Mujh Se Lene Ai Thi

Us Ki Sahmi Hui Nigahon Main

Kitni Khamosh Iltijayen Thin

Us K Chehre Ki Zard Rangat Main

Kitni Majaburiyon K Saye The

Mere Hathon Se Khat Pakarte Hi

Jane Kya Soch Kar Achanak Vo

Mera Shana Pakar Kar Roi Thi

Us K Yaqut Rang Honthon K

Kapkapate Hue Kinaron Par

Saikaron Ankahe Fasane The

Sard Shamon Main Der Tak Aksar

Jab Ye Manzar Dikhai Deta Hai

Ek Lamha Hinai Hathon Se

Mujh Ko Apani Taraf Bulata Hai

Hamnashin Ruth Kar Na Ja Mujh Se

Aisi Hi Sard Sham Thi Vo Bhi

SEO Tags:

Amjad Islam Amjad Fresh Poetry, Amjad Islam Amjad Latest Poetry, Amjad Islam Amjad New Poetry, Amjad Islam Amjad Poetry, Amjad Islam Amjad Romantic Poetry, Amjad Islam Amjad Sad Poetry, Amjad Poetry, Hindi Poetry, Urdu Poetry

Kahne Ki Bat Ho To

Kahne Ki Bat Ho To Use Kah Sunayiye
Jo Dil Pe Ban Rahi Ho, Kyon Kar Dikhayiye

Dunya Ki Ho Hawas To Dil-O-Din Ginwayiye
Yan Khoyiye Bahut-Sa To Kuch Ja K Payiye

Ye Kya K Dil Hai Dair Mein Aur Kabe Mein Maqam
Ho Rahiye Bas Wahin K, Jahan Dil Lagayiye

Gar Jan Ka Zarar Hai Mohabbat Mein Naseho
Ham Jan Hi Se Baithe Hain Bezar Jayiye

Aur Aitabar Khote Hi Apna Raha-Saha
Bas A Gaya Yaqin Hamein, Qasmein Na Khayiye

Hoti Hujum-E-Gam Mein Hai, Kyon Zahar Ki Talash
‘Hali’ Batayen Ap Ko, Gar Kuch Khilayiye

Seo tags,

Altaf Hussain Hali Fresh Poetry, Altaf Hussain Hali Latest Poetry, Altaf Hussain Hali New Poetry, Altaf Hussain Hali Poetry, Altaf Hussain Hali Romantic Poetry, Altaf Hussain Hali Sad Poetry, Hali Poetry, Hindi Poetry, Urdu Poetry

Sanson Ki Zarorat

Meri Chahatain Tumse Alag Kab Hain

Dil Ki Batain Tumse Chupi Kab Hain

Tum Sath Raho Dil Main Dharkan Ki Jaga

Phir Zindagi Ko Sanson Ki Zarorat Kab Hai

Geet Ki Zaroorat Mehfil Mein Hoti Hai

Geet Ki Zaroorat Mehfil Mein Hoti Hai

Pyar Ki Zaroorat Dil Mein Hoti Hai

Bin Dosti Ke Adhuri Hai Yeh Zindagi

Kyunki Dost Ki Zaroorat Har Pal Mehsus Hoti Hai

Dosti Insan Ki Zaroorat Hai

Dosti Insan Ki Zaroorat Hai

Dilon Pe Dosti Ki Huqumat Hai

Aap Ke Dosti Ki Wajah Se Zinda Hain

Warna Kitno Ko Hamari Zaroorat Hai