Muhabbat hai teray gaisoo

Muhabbat hai teray gaisoo, Tare palkhian, Tare ankhain

Muhabbat hai tare batain, Tare dharkan, Tare sansain

Kabhe gum sum, Kabhe chanchal, Kabhe jugnoo, Kabhe badal

Kabhe ye neend hai to, Kabhe ya khuwab jaise hai

Muhabbat ko agar samjho to, Apne zaat jaise hai

Agar sach hai to bs ya hai, Muhabbat ap jaise hai

Juda ho kar bhi jee rahe hain ..

Juda ho kar bhi jee rahe hain muddat se,

Kabhi dono hi kehte they yoon ho nahi sakta..

Qasam de ke apni tujhe rok ley ga..

Qasam de ke apni tujhe rok ley ga,

teri laghzishon* pe tujhe ttok de ga,

Tu murr murr ke pechey kisey dekhta hai,

Tera kon hai jo tujhe rok ley ga..

(laghzishon;deviating)

Maahol hi saazgaar kab tha..

Maahol hi saazgaar kab tha,

Hasrat hi rahi ke muskura’on…

Koshish ke baad bhi jo poori na ho sakin..

Koshish ke baad bhi jo poori na ho sakin,

Tera naam bhi un khawishon mein hai..

Woh jo geet tum ne suna nahin..

Woh jo geet tum ne suna nahin,

Meri umar bhar ka reyaaz* tha,

Mere dard ki thi daastaan,

Jisey tum hansi mein urraa gaye..

(reyaaz;practice)

Kya sitam hai ke ab teri suurat..

Kya sitam hai ke ab teri suurat,

Ghaur karne pe yaad aati hai..

Mere gunaahon ko woh dhho deti hai..

Is tarah mere gunaahon ko woh dhho deti hai,

Maan bohat ghussay mein ho to ro deti hai..

Us ne dard bhi apne elhaada kar liye..

Aaj us ne dard bhi apne elhaada kar liye,

Aj bhi roya to mere sath woh roya na tha..

Kyun vasl ki shab hath laganey nahin dete..

Kyun vasl ki shab hath laganey nahin dete,

Maashooq ho ya koi amaanat ho kissi ki..