Jo hua ik bar woh har baar ho, aesa nahin hota..

Jo hua ik bar woh har baar ho, aesa nahin hota,

Hamesha aik hi se pyaar ho, aesa nahin hota,

Har ik kashti ka apna hi tajarba hota hai darya mein,

Saffar main roz hi manjhdaar ho, aesa nahin hota,

Kahani main to kirdaaron ko jo chahe bana dijiye,

Haqeeqat bhi kahaani kaar ho, aesa nahin hota,

Kahin to koi hoga jis ko apni bhi zaroorat ho,

Har ik baazi mein dil ki haar ho, aesa nahi hota,

Sikhaa deti hain chalna thokrain bhi raahgiron ko,

Koi raasta sadaa dushwaar ho, aesa nahin hota..

Nida Fazli

Rotaa dekh ke sab ko ronay lagta hoon..

Mein to rotaa dekh ke sab ko ronay lagta hoon,

Dekh ke mujh ko log magar, kyun hansne lagte hain..

Rotay rotay phaila kajlaa ankhon mein..

Rotay rotay phaila kajlaa ankhon mein,

Pehney pehney sookha gajraa hathon mein..

Falak se torr laya hoon..

Falak se torr laya hoon, magar phir bhi neyi zid hai,

Sitaarey mein naheen leti, mujhe to chand laa kar do..

Sooraj Ki Tarah Doob Gaya

Sooraj Ki Tarah Doob Gaya … Mera Dil Bhi Aaj

Itna Udaas … Sham Ka Manzar Kabhi Na Tha

Bohat nazdeek ho ker bhi woh door hai mujhse..

Bohat nazdeek ho ker bhi woh door hai mujhse,

Ishaara ho nahin sakta, pukara ja nahin sakta..

Yeh sab rastey ke saathi hain, inhe akhir bicharna hai..

Yeh sab rastey ke saathi hain, inhe akhir bicharna hai,

Chalo ab ghar chalein “Saghir” bohat awaargi kar li..

Is Qadar Barf Pari Sadmon Ki

Is Qadar Barf Pari Sadmon Ki

Jam Gaya Sabr Meri Ankhon Me

Me Jis Azaab Se Guzra Hoo

Ye Or Baat … Tere Roo Baroo Nahen Guzraa

Me Jis Azaab Se Guzra Hoon … Tu Nahen Guzra

Us Se Bichar Ke

Us Se Bichar Ke Hosh Salamat Rahay Magar

Ham Raaston Se … Ghar Ka Pata Pochte Rahay