Jab maza hai ke donon hon beqaraar..

Ulfat ka jab maza hai ke donon hon beqaraar,

Donon taraf ho aag baraabar lagi huyii..

Yoon na jhanko ghareeb ke dil mein..

Yoon na jhanko ghareeb ke dil mein,

Yahan hasrtain be-libaas rehti hain..

Raat yoon saans ruk gayi meri.

Raat yoon saans ruk gayi meri,

Tu mujhe bhool geya ho jaise..

Sharminda meri rooh ki sachayiyan huin..

Sharminda meri rooh ki sachayiyan huin,

Tabsraa woh zameer ne kirdaar per kiya..

Mohabbat bheek hai shayed.

Mohabbat bheek hai shayed,

Bari mushkil se milti hai..

Zindagi khaak na thi, khaak urratey guzri..

Zindagi khaak na thi, khaak urratey guzri,

Tujhse kya kehtey tere pass jo atey guzri,

Din jo guzraa to kisi yaad mein guzra,

Shaam ayi to koi khawb dikhatey guzri..

Ab to agey naam tumhara bhi aaye ga..

Ab to agey naam tumhara bhi aaye ga,

Kaho to chorr doon yahin fasaaney ko..

Marhale shoq ke dushwaar hua karte hain

Marhale shoq ke dushwaar hua karte hain,

Saaye bhi raah ki diwaar hua karte hain,

Wo jo sach bolte rehne ki kasam khaate hain,

Wo adaalat mein gunaah-gaar hua karte hain,

Sirf haathon ko na dekho kabhi aakhen bhi parho,

Kuchh sawaali bade khuddaar hua karte hain,

Wo jo pathar yuunhi raste mein pade rehte hain,

Un ke seene mein bhi shaah-kaar howa karte hain..

Ek masoom si dua hai inn labon pe..

Ek masoom si dua hai inn labon pe,

Koi kuch bhi karay mohabbat ke siwaa.

Teri muntazir theen woh ankhen hi bujh gayin.

Jo teri muntazir theen woh ankhen hi bujh gayin,

Ab kyun sajaa raha hai charaaghon se shaam ko..