Poetry 2 Sms

Meine khud ko bhi faramosh kiya tere liye,

Aam hai sara jahan, khaas hai tu mere liye..

Kaun kehta hai ke ishq ghamgeen hai,

Agar Ho wafaa to zindagi haseen hai..

Charrhti theen aik mizaar pe chaadren beshumaar,

Baaher betha aik faqeer sardi se mar geyaa..

Ghairon se kaha tum ne, ghairon se suna tum ne,

Kuch hum se kaha hota, kuch hum se suna hota..

Jo muh ko aa rehi thi, ab lipti hai paoon se,

Barish ke baad khaak ki fitrat badal gayi..

Usey kaho ke milne ki ab dua na kare,

Guzar gaye hain jo lamhe unhe haraa na kare,

Mujhe bhi khawb ke sehraa main ab nahin rehna,

Usey kaho ke khawbon se ab wafaa na kare,

Agar milay to khuloos o wafaa ho sath us ke,

Woh darmeyan main koi masla-e-anaaa na kare,

Dilon ke dard hamesha hi rastey rehte hain,

Magar yeh dukh ke kabhi ankh haq adaa na kare,

Hamarey hath mein rekha-e-wasl to hai magar,

Yeh khauf hai ke muqaddar kahin wafaa na kare,

Khuda gawah ke usey dekh kar hi jeetey hain,

Jo samney to rahe hain magar gilaa na kare,

Tumhare naam ki tasbeeh yeh kab se karta hai,

Mera yeh dil ke koi kaam ab kiya na kare

Main apne naam se roshan rahoon ga dunya main,

Usey kaho meri jaanib koi diyaa na kare..,

Akal laayi hai dhoond kar lakhon,

Ishq bhaari hai sab daleelon par..

Bhar aayen na ankhen to ik baat kahoon,

Ab tum se bicharrney ka imkaan bohat hai.

Behka to bohat behka, sambhlaa to wali thehra,

Is khaak ke putlay ka har rang niraala hai..

Har shakhs nahin hota har shakhss ke kabil,

Har shakhs ko apne liye socha nahin kartey..