Rivaaj to yehi hai duniya ka, mil jana bicharr jana..

Rivaaj to yehi hai duniya ka, mil jana bicharr jana,

Tum se yeh kaisa rishta hai, miltay ho na bicharrtay ho..

Guzar hi jayen gi furqat ki yeh karri ratain..

Guzar hi jayen gi furqat ki yeh karri ratain,

Jo tu nahin, na sahi, tera intezaar to hai..

Itni shiddat se yaad aye ho..

Itni shiddat se yaad aye ho,

Jese phir yaad hi nahin aana.

Chupaaye dil mein ajab sa ghubaar bethe hain.

Chupaaye dil mein ajab sa ghubaar bethe hain,

Najane kese tassawur mein yaar bethe hain,

Luttaa chuke hain murawwat mein zindagi apni,

Tere liye to anaa ko bhi maar bethe hain..

Band pinjron mein parindon ko dekha kabhi..

Band pinjron mein parindon ko dekha kabhi,

Aese sisaktey hain mohabbat ke mujrim aksar..

Hum se kya ho saka mohabat mein..

Hum se kya ho saka mohabat mein,

Tum ne to kher bewafaayi ki..

Tum kissi aur ke ho jaao janaan..

Tum kissi aur ke ho jaao janaan,

Ameer honey mein abhi waqt lagega..

Tamaam raat tere intezaar mein ae dost..

Tamaam raat tere intezaar mein ae dost,

Mera yaqeen bhatakta raha, gumaan ki tarah..

Tujh ko bhoolon, koshish karke dekhoon ga..

Tujh ko bhoolon, koshish karke dekhoon ga,

Wese daryaa ultaa behnaa mushkil haii..

Dil ka rog yeh chahat, khuda kisi ko na de..

Yeh dil ka rog yeh chahat, khuda kisi ko na de,

Buri balaa hai mohabbat, khuda kisi ko na de,

Tarrap, junoon, yeh ruswaayiyan, akela pan,

Qadam qadam pe museebat, khuda kisi ko na de,

Zaroori hai to bohat zindagi mein ishq magar,

Yeh jaan-leva zaroorat khuda kisi ko na de,

Jo chott tu ne mujhe di, koi na de tujh ko,

Yeh bewafaayi ki aadat khuda kisi ko na de.