Poocha jo un se ke chaand nikalta hai kis tarah..

Poocha jo un se ke chaand nikalta hai kis tarah,

Zulfon ko rukh pe daal ke jhatkaa diya ke yoon..

Deemak ki tarah chaattey ga mere wajood ko..

Deemak ki tarah chaattey ga mere wajood ko,

Yoon ishq mujhe khokhlaa andar se karega..

Ab jo rootho ge to haar jao ge..

Ab jo rootho ge to haar jao ge,

Hum manaanay ke gur bhulaa bethe..

Ishq sasta bohat mila..

Ishq sasta bohat mila,

Ishq mehnga bohat parra..

Kon chahe ga tumhe meri tarha..

Kon chahe ga tumhe meri tarha,

Ab kisi se na mohabbat karna.

.

Us ke janaazey mein tha shareek..

Saara hi sheher us ke janaazey mein tha shareek,

Tanhaayiyon khauf se jo shakss mar geyaa…

Akal ayyaar hai, sau bhaiss bana leti hai..

Akal ayyaar* hai, sau bhaiss bana leti hai,

Ishq bechara na mulla hai na zahid na hakeem..

(ayyaar;clever)

Woh lafzz dhoond raha tha..

Woh lafzz dhoond raha tha laraztey honton se,

Zaeef baap ne bete se baat karni thee..

Ragon mein khoon khaya ja raha hai..

Ragon mein khoon khaya ja raha hai,

Mujhe shayed bhulaaya ja raha hai,

Parri aangan mein mere dhoop aese,

Pas-e-deewar saaya ja raha hai,

Milaawat jab se jazbon mein hui hai,

Haqeeqat ko chupaaya ja raha hai,

Arey kyun ro diye tum mujh pe aese,

Mujhe to aazmaaya ja raha hai..

R N Khawar

Haal-e-dil kehne geya tha, na kaha..

Haal-e-dil kehne geya tha, na kaha,

Mausamon per guftguu achi rahee..