Yeh jawaani bhi burrhapey ki tarah guzrey gi..

Yeh jawaani bhi burrhapey ki tarah guzrey gi,

Umar jab kaat chukoon ga to shabaab aye ga..

Jo guzaari na ja saki hum se..

Jo guzaari na ja saki hum se,

Hum ne woh zindagi guzaari hai..

Pehle teri thi justuju mujh ko..

Pehle teri thi justuju mujh ko,

Ab mein apni talaash karta hoon..

Maana ke meri sheh-rag se qareeb hai tu..

Maana ke meri sheh-rag se qareeb hai tu,

Magar mein yeh faasla bhi kahan chahta hoon..

Dekh to bahar gali mein koi aya to nahin..

Dekh to bahar gali mein koi aya to nahin,

Ya hawaa ko aaj phir soojhi hai phir dillagi..

Kitaab-e-zeest ka ek aur baab khatam hua..

Kitaab-e-zeest ka ek aur baab khatam hua,

Shabaab khatam hua, azaab khatam hua..

Aalam-e-ghurbat ki shaam thi..

Dil tha udaas, aalam-e-ghurbat ki shaam thi,

Kya waqt tha ke tum se mulaaqat ho gayi..

Mujhe yeh dar hai, teri aarzu na mitt jaye..

Mujhe yeh dar hai, teri aarzu na mitt jaye,

Bohat dinon se tabiyat meri udaas naheen..

Udaas tha manzar chiraagh bhujney ka..

Bohat udaas tha manzar chiraagh bhujney ka,

Lippat ke ro diya mein bhi hawaa ke jhonkay se..

Jo likho kabi tareekh wafaa ki..

Mujhe bhi yaad rakhna jo likho kabi tareekh wafaa ki,

Mene bhi lutaaya hai mohabbat main sakoon apna..